Мыйсяма лун тайӧ Пӧкрӧвыс?! Пӧкрӧв лыддьысьö тӧвся празьникӧн, сы кежлӧ виччысисны нин лым усьӧм. Йӧз вуджлiсны гожся керкаысь тӧвсяӧ, а вӧвъяссӧ йӧртлiсны гидйӧ. Кызвын ыджыд уджыс помасьлiс нин.

Пӧкрӧв бӧрын вӧралысьяс муналiсны вӧрӧ ур кыйны. Но ёнджыкасӧ тайӧ луныс йитчӧма анькӧд. Верӧс сайӧ петны окотитысь нывъяс шыӧдчисны Ен-Мам дорӧ татшӧм кывъясӧн: «Святая Мати Богородица, покрывай и закрывай штопнӧй кокошникӧн, зарни кокошникӧн!» Нӧшта налы Пӧкрӧв лунӧ эз позь нинӧм водзӧсавны, мыйкӧ петкӧдны керкасьыс. Нывъяс, кутшӧмкӧ том морт кӧ сьӧлӧм выланыс воис, дасьтылiсны сылы козинтор.

Миян шӧринын Пӧкрӧв рытӧ нуӧдім ворсӧмъяс – видзӧдлім кыдзи койтӧны таръяс, кыдзи нывъяс кужӧны куштыны сьӧла, тӧдмалім нӧдкывъяс, кывзім приметаяс, сьылім-йӧктім, гажӧдчим.

Гаж вылысь быдӧн муніс восьса сьӧлӧм-нюма, кыпыд руа аскӧдыс босьтіс бур настроение.

Фото с Пӧкрӧвся рытпук: https://vk.com/album-41257129_287728920

коми